عیدالفطر کا چاند دیکھنے کے لئے زونل رویت ہلال کمیٹی کا اجلاس کل لاہور میں ہو گا ، محکمہ موسمیات نے بھی پیشگوئی کر دی

دنیا بھر کے مسلمانوں کی طرح پاکستانی مسلمانوں کو بھی عیدالفطر کا بے صبری سے انتظار ہے ، عیدالفطر کا چاند دیکھنے کے لئے زونل رویت ہلال کمیٹی کا اجلاس کل لاہور میں ہو گا البتہ ماہرین کے مطابق ملک کے بعض علاقوں میں چاند نظر آنے کے امکانات کم تو بعض علاقوں میں زیادہ ہیں ۔ ادھرمحکمہ موسمیات کے مطابق شوال کے چاند کی پیدائش 14 جون کو رات 12 بجے کے قریب ہو گی اور شام کے وقت اس کی عمر 19 گھنٹے 3 منٹ ہو گی ۔ مطلع کبھی صاف اور کبھی جزوی ابر آلود رہنے کا امکان ہے ، لہذا چاند نظر آنے کے امکانات ہیں ۔ کل محکمہ اوقاف کے دفتر میں ہونیوالے اجلاس میں کمیٹی کے ممبران ، محکمہ فلکیات ، محکمہ موسمیات اور دیگر متعلقہ محکموں کے ماہرین اور عہدیدار بھی شرکت کریں گے ۔ شہری شوال المکرم کا چاند نظر آنے کی شہادت زونل کمیٹی کو دے سکیں گے ۔ مرکزی اجلاس کراچی میں مفتی منیب الرحمان کی سربراہی میں ہو گا اور حتمی اعلان بھی مرکزی رویت ہلال کمیٹی ہی کرے گی ۔

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.