اسلام آباد(نیو زڈیسک) صوبہ خیبر پختونخواہ کے دارالحکومت پشاور میں دو گروپوں کے درمیان فائرنگ کے تبادلے میں 3 افراد جاں بحق ہوگئے۔تفصیلات کے مطابق پشاور کے علاقے نوتھیہ میں جائیداد کے تنازع پر دو گروپوں میں فائرنگ کا تبادلہ ہوا جس کے نتیجے میں 3 افراد جان کی بازی ہار گئے۔پولیس حکام کا کہنا ہے کہ فائرنگ میں جاں بحق ہونے والے افراد کی لاشوں کو پوسٹ مارٹم کے لیے اسپتال منتقل کردیا گیا ہے جبکہ ملزمان کی گرفتاری کے لیے چھاپے۔
مارے جا رہے ہیں۔یاد رہے کہ گزشتہ ماہ 30 اکتوبر کو صوبہ خیبرپختونخواہ کے شہر چارسدہ میں ملزم نے فائرنگ کرکے ماں، بھابھی، بھتیجی اور چچا زاد بھائی کو قتل کردیا تھا۔پولیس حکام کا کہنا تھا کہ ملزم نشہ کرتا ہے اور اس سے قبل بھی اپنی بیوی کو قتل کرچکا ہے۔واضح رہے کہ رواں سال اگست کو صوبہ خیبرپختونخواہ کے علاقے کرک میں جائیداد کے تنازع پرمخالفین نے فائرنگ کرکے باپ اورتین بیٹوں کو قتل کردیا تھا، شوہراور بیٹوں کی لاشیں دیکھ ماں بھی صدمے سے انتقال کرگئی تھی۔
The post دلخراش واقعےنے سب کو رُلادیا ، ہلاکتیں ، ہرطرف چیخ وپکار appeared first on Urdu News.