حکومت کفایت شعاری کرکے 8 سے 10 ارب روپے کی بچت کرلے گی ، 15 دن میں 15 ٹاسک فورسز بنائیں اور اُن کو کوئی معاوضہ نہیں دیا جا رہا ، وفاقی وزیراطلاعات فواد چودھری

وفاقی وزیراطلاعات فواد چودھری نے کہا ہے کہ وزیراعظم عمران خان کی جانب سے بنائی گئی ٹاسک فورسز کے ارکان کو کسی قسم کا معاوضہ نہیں دیا جا رہا ، حکومت کفایت شعاری کرکے 8 سے 10 ارب روپے کی بچت کرلے گی ۔ ایک نجی نیوز چینل کے پروگرام میں گفتگو کرتے ہوئے فواد چودھری نے کہا کہ ہم کفایت شعاری کرکے سے 8 سے دس ارب کی بچت کرلیں گے ۔ مسلم لیگ ن کے دور میں قرضہ تین گنا بڑھا ہے ، کفایت شعاری کرنے سے عوام کو ایک مثبت پیغام جاتا ہے ۔
انہوں نے کہا کہ بین الاقوامی میڈیا سی پیک کو متنازعہ بنانا چاہتا ہے ۔ فنانشل ٹائم نے رپورٹ سیاق و سباق سے ہٹ کر پیش کی ۔ ان کا کہنا تھا کہ ہم نے15 دن میں 15 ٹاسک فورسز بنائی ہیں اور ایک دن میں 15 لاکھ پودے لگائے ہیں ، تین ہفتے میں 22 سو کروڑ کا منصوبہ مکمل نہیں ہو سکتا ۔ انہوں نے کہا کہ اقتصادی پالیسی کے حوالے سے وزیر خزانہ اگلے ہفتے بتائیں گے ۔ بڑے ایشوز حکومت کی نظر میں ہیں لیکن پالیسی بنانے کیلئے کچھ وقت درکار ہوتا ہے ۔
انہوں نے کہا کہ وزیراعظم ہاﺅس اگر پاکستان کے عوام کا ہے تو اس پر کیا پاکستان کے بچوں کا حق نہیں ہے ؟ وزیراعظم ہاﺅس کی بیک سائیڈ پر انٹری بری امام سے ہے اور اس کا ریڈ زون سے کوئی تعلق نہیں ہے ۔ ان کا کہنا تھا کہ ٹاسک فورسز کو بڑے مخصوص ٹاسک دیئے گئے ہیں اور یہ ایڈ وائزری کردار ادا کریں گی ۔ اس وقت ٹاسک فورسز میں شامل کسی بھی شخص کو کوئی معاوضہ نہیں دیا جارہا ۔
The post حکومت کفایت شعاری کرکے 8 سے 10 ارب روپے کی بچت کرلے گی ، 15 دن میں 15 ٹاسک فورسز بنائیں اور اُن کو کوئی معاوضہ نہیں دیا جا رہا ، وفاقی وزیراطلاعات فواد چودھری appeared first on Urdu News.