آرمی چیف جنرل قمرجا وید باجوہ سے تاجکستان کے قومی سلامتی کے چیئرمین نے ملاقات کی ہے ، جس دوران باہمی دلچسپی کے امور ، علاقی اور سلامتی کی صورتحال پر تبادلہ خیال کیا گیا ۔ آئی ایس پی آر کے مطابق آرمی چیف سے کرنل جنرل سیمومین یاتیموف کی ملاقات جی ایچ کیو میں ہوئی جس دوران علاقائی امن و استحکام کیلئے پاکستان کے مثبت کردارپر بھی گفتگو اور جنرل یاتیموف کی خطے میں استحکام کیلئے پاک فوج کی کوششوں کی تعریف کی ۔ جنرل یاتیموف نے دہشتگردی کیخلاف جنگ میں پاک فوج کی قربانیوں کوسراہا ۔